Թուրքիան թույլատրել է տեսակցել ձերբակալված գերմանացի լրագրողուհուն

Իրավական13:12, 29 Մայիս 2017

Թուրքիան թույլատրել է տեսակցել ձերբակալված գերմանացի լրագրողուհուն

Գերմանիայի արտաքին գործերի նախարարության խոսնակ Մարթին Շեֆերը հայտարարել է, որ թուրքական կողմը թույլատրել է Գերմիանիայի հյուպատոսարանի պաշտոնյաններին տեսակցել Թուրքիայում ձերբակալված գերմանացի լրագրող և թարգմանիչ Մեշալե Թոլուին, որը թուրքական ծագում ունի:

Միջանկյալ նշենք, որ Թոլուն թուրքական իշխանությունների կողմից մեղադրվում է «ահաբեկչական կազմակերպության օգտին քարոզչություն անելու, ինչպես նաև ահաբեկչական կազմակերպությանը անդամակցելու մեջ»: Թոլուն հանդիսանում էր թուրքական «Etkin» լրատվական գործակալության գերմաներենի թարգմանիչը: Նա Գերմանիայի քաղաքացի է:

Ըստ թուրքական «Sozcu » թերթի կայքի՝ Թուրքիայում Գերմանիայի հյուպատոսարանի աշխատակիցները մի քանի անգամ դիմել էին թուրքական իշխանություններին տեսակցության թույլտվություն ստանալու համար, բայց մերժվել էին:

Թուրքական աղբյուրը հիշեցնում է, որ նույն մեղադրանքով Թուրքիայում ձերբակալված է նաև մեկ այլ ծագումով թուրք, Գերմանիայի քաղաքացիություն ունեցող լրագրող Դենիզ Յուջելը: Վերջինս հանդիսանում էր գերմանական «Die Welt» պարբերականի Թուրքիայի թղթակիցը:

Հիշեցնենք, որ թուրք-գերմանական հարաբերությունները սկսվեցին լարվել այն բանից հետո, երբ Թուրքիան գերմանացի պատգամավորներին չթույլատրեց հանդիպել Ինջիրլիք ռազմաբազայի գերմանացի զինվորների հետ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։