Էրդողանը Գերմանիային առաջարկել է թուրք զինվորականներին փոխանակել Դենիզ Յուջելի հետ

Իրավական13:13, 20 Հուլիս 2017

Էրդողանը Գերմանիային առաջարկել է թուրք զինվորականներին փոխանակել Դենիզ Յուջելի հետ

Թուրքիայի նախագահ Ռեջեփ Թայիփ Էրդողանը Գերմանիային առաջարկել է գերմանակ «Die Welt» պարբերականի լրագրող Դենիզ Յուջելի ազատ աձակման դիմաց Թուրքիային հանձնել այն թուրք գեներալներին, ովքեր ռազմական հեղաշրջման փորձից հետո ապաստան են գտել Գերմանիայում:

Ըստ թուրքական «Diken» թերթի կայքի՝ այդ մասին հայտնում է գերմանական «Bild» պարբերականը՝ հղում անելով դիվանագիտական աղբյուրներին:

Ի պատասխան Էրդողանի առաջարկին, Գերմանիայի արտգործնախարարությունն ասել է, որ իրենք նմանատիպ գործարքի չեն կարող գնալ:

Վերոնշյալ աղբյուրները նշում են նաև, որ նման կերպ Էրդողանը փորձում է հաշվեհարդար տեսնել բարձրաստիճան թուրք զինվորականների հետ, որոնք ձախողված ռազմական հեղաշրջումից հետո ապաստան էին խնդրել գերմանական իշխանություններից:

«Անկարան իր մոտ գտնվող գերմանացիներին որպես պատանդ է օգտագործում՝»,-գրում է թերթը:

Հիշեցնենք, որ Յուջելը կալանավորվել էր «ահաբեկչական կազմակերպության օգտին քարոզչություն անելու» մեղադրանքով: Ըստ Թուրքիայի դախազության՝ Յուջելը լրագրության քողի տակ Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) ղեկավարներից Ջեմիլ Բայըքի հետ ռեպորտաժ էր պատրաստել, որով և փորձել էր օրինականացնել PKK-ի գործունեությունը:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։