Թուրքիայում սոցցանցերում արած գրառումների համար 1 շաբաթում 152 մարդ է ձերբակալվել

Իրավական13:53, 14 Օգոստոս 2017

Թուրքիայում սոցցանցերում արած գրառումների համար 1 շաբաթում 152 մարդ է ձերբակալվել

Թուրքիայի ներքին գործերի նախարարության հրապարակած տվյալների համաձայն՝ երկրում 1 շաբաթվա ընթացքում սոցցանցերում արած գրառումների հետևանքով ձերբակալվել է 152 մարդ:

Նշվում է, որ մեկ շաբաթվա ընթացքում ոստիկանության կողմից ուսումնասիրվել է սոցցանցերի 2703 օգտատիրոջ հաշիվ: Դրանցից 1264-ի ինքնությունը պարզվել է, որոնցից 152-ը ձերբակալվել է:

Թուրքիայի ՆԳՆ-ը դեռևս չի հայտնել, թե ձերբակալվածներից քանիսն են կալանավորվել:

Նշվում է, որ վերոնշյալ օգտատերերը ձերբակալվել են «ահաբեկչական կազմակերպության օգտին քարոզչություն անելու», «ահաբեկչական կազմակերպությունների հետ կապ ունենալու ու դրա մասին հայտարարելու», «ժողովրդին ատելության և վրեժխնդրության դրդելու», «բարձրագույն պետական պաշտոնյաներին վիրավորելու» «պետության ամբողջականությանը և հանրության անվտանգությանը սպառնալու» և «ատելություն սերմանող արտահայտություններ կիրառելու» համար:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։