Թուրքիայում ձերբակալվել է բրիտանացի զբոսաշրջիկ

Իրավական13:58, 23 Օգոստոս 2017

Թուրքիայում ձերբակալվել է բրիտանացի զբոսաշրջիկ

Թուրքիայում ձերբակալվել է Մեծ Բրիտանիայի 52-ամյա քաղաքացի, որը փորձել է Թուրքիայից հին մետաղադրամներ դուրս բերել:

Այս մասին տեղեկացնող թուրքական «Hurriyet» թերթը նշում է, որ 52-ամյա բրիտանացին Թուրքիա էր այցելել ընտանիքի հետ հանգստի նպատակով:

Նա թուրքական Բոդրում հանգստավայրում ծովային շրջագայության է դուրս եկել, որի ժամանակ արգելված տարածքում սուզվել է ջուրը: Ծովի հատակից բրիտանացին գտել է պատմական նշանակություն ունեցող 13 հատ բրոնզե մետաղադրամ:

Թուրքիայից հեռանալիս օդանավակայանում բրիտանացու պայուսակի զննության ժամանակ մետաղադրամները հայտնաբերվել և առգրավվել են: Բրիտանացին բերման է ենթարկվել, այնուհետև դատարանի որոշմամբ կալանավորվել է: 52-ամյա տղամարդուն 3-5 տարվա ազատազրկում է սպառնում պատմամշակության արժեքների մաքսանենգության համար:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։