Թուրքիայի ԱԳՆ-ն արձագանքել է Էրդողանի թիկնապահների վերաբերյալ ներկայացված մեղադրանքին

Իրավական07:31, 31 Օգոստոս 2017

Թուրքիայի ԱԳՆ-ն արձագանքել է Էրդողանի թիկնապահների վերաբերյալ ներկայացված մեղադրանքին

Թուրքիայի արտաքին գործերի նախարարությունը քննադատել է Թուրքիայի նախագահ Ռեջեփ Թայիփ Էրդողանի՝ խաղաղ ցուցարարների վրա հարձակում գործած և հետխուզման մեջ գտնվող 15 թիկնապահների վերաբերյալ ԱՄՆ-ի դատախազության ներկայացրած մեղադրանքը:

Ըստ «Deutsche Welle»-ի թուրքական ծառայության՝ Թուրքիայի ԱԳՆ-ի կողմից արված հայտարարության մեջ ասվում է, որ իրենց գնահատմամբ «այդ մեղադրանքը անարդար է և կողմնապահ»:

Պաշտոնական Անկարան համարել է, որ «մեղադրականը հրապարակելիս ԱՄՆ-ի դատաիրավական մարմինները հարցին քաղաքական մոտեցում են ցուցաբերել, և այս մեղադրանքը ԱՄՆ-ի որոշ քաղաքական շրջանակների՝ հարցին լարվածություն հաղորդելու ջանքերի արդյունքն է»:

Հայտարարության մեջ ասվում է, որ թուրքական կողմի դժգոհության մասին արդեն իրազեկված է Թուրքիայում ԱՄՆ-ի դեսպանը:

Հիշեցնենք, որ մայիսի 16-ին ԱՄՆ-ի հայ, քուրդ, ասորի և եզդի համայնքների ներկայացուցիչները ցույց էին կազմակերպել Վաշինգտոնում՝ բողոքելով Էրդողանի` ԱՄՆ այցի դեմ: Էրդողանի թիկնապահները հարձակվել էին խաղաղ ցուցարարների վրա և դաժան ծեծի ենթարկել նրանց: Միջադեպի հետևանքով վիրավորվել էր 9 ցուցարար: ԱՄՆ ներկայացուցիչների պալատի անդամ Էդ Ռոյսը պահանջել է պատասխանատվության ենթարկել բախումը հրահրած Թուրքիայի նախագահի թիկնապահներին: Սենատոր Ջոն Մըքքեյնը պահանջել է արտաքսել ԱՄՆ-ում Թուրքիայի դեսպանին:

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։