ԱՄՆ-ը մտահոգություն է հայտնել Թուրքիայում իր հյուպատոսարանի աշխատակցի ձերբակալման կապակցությամբ

Իրավական14:00, 05 Հոկտեմբեր 2017

ԱՄՆ-ը մտահոգություն է հայտնել Թուրքիայում իր հյուպատոսարանի աշխատակցի ձերբակալման կապակցությամբ

Թուրքիայում ԱՄՆ-ի դեսպանատունը հայտարարություն է տարածել Ստամբուլում ԱՄՆ-ի հյուպատոսարանի աշխատակից Մեթին Թոփուզի ձերբակալության վերաբերյալ:

Ըստ CNN-ի թուրքական ծառայության՝ ԱՄՆ-ի դեսպանատունը խորը մտահոգություն է հայտնել Թոփուզի ձերբակալության առիթով՝ նշելով, որ վերջինիս վերաբերյալ ներկայացված լրտեսության մեղադրանքը լիովին անհիմն է և անհնար: ԱՄՆը շարունակելու է աշխատել Թուրքիայի կառավարության հետ՝ ապահովելու համար ԱՄՆ-ի կառավարության աշխատակիցների և ԱՄՆ-ի քաղաքացիների արդար դատավարությունը Թուրքիայի սահմանադրության և միջազգային օրենքների շրջանակներում:

«Տասնյակներ շարունակ երկու երկրների տեղական աշխատակիցները՝ Թուրքիայի և Ամերիկայի համագործակցությունը մեծացնելու ջանքերի շնորհիվ բարձարացել է 2 երկրների անվտանգությունը, ամրացել են գործարար կապերը, մերձեցել են մեր երկրների քաղաքացիները: Մեր աշխատողների վերաբերյալ անհիմն և հստակ աղբյուրից զուրկ պնդումները կացնահարում են մեր երկարամյա համագործակցությունը և փոքրացնում դրա արժեքը»,- ասված է ԱՄՆ-ի դեսպանատան հայտարարության մեջ:

Հիշեցնենք, որ Նախօրեին Ստամբուլում ԱՄՆ հյուպատոսության աշխատակից Մեթին Թոփուզը լրտեսության մեղադրանքով բերման էր ենթարկվել:

Հյուպատոսարանի աշխատակցին հարցաքննելուց հետո նրան կալանավորելու որոշում էր կայացվել:

Թոփուզին մեղադրանք է առաջադրվել «Քաղաքական կամ ռազմական լրտեսության նպատակով երկրի անվտանգությանը, ներքին կամ արտաքին քաղաքական շահերին վերաբերող գաղտնի տեղեկություններ տրամադրելու» ինչպես նաև «Թուրքիայի Հանրապետության կառավարությունը տապալելու փորձ» հոդվածների հատկանիշներով:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։