Ձերբակալությունների ևս մեկ ալիք Թուրքիայի զինված ուժերում

Իրավական07:49, 10 Հոկտեմբեր 2017

Ձերբակալությունների ևս մեկ ալիք Թուրքիայի զինված ուժերում

Թուրքիայում գյուլենականների դեմ իրականացվող հետաքննություններից մեկի շրջանակներում երկրի զինված ուժերի 70 կադրային զինվորականի վերաբերյալ ձերբակալության որոշում է կայացվել:

Ըստ թուրքական «Haberler.com» լրատվական կայքի՝ նշյալ անձանց ձերբակալելու նպատակով հոկտեմբերի 10-ի վաղ առավոտյան երկրի 7 նահանգներում միաժամանակյա գործողություններ են սկսվել:

Քոնիայի գլխավոր դատախազության կողմից իրականացվող հետաքննության շրջանակներում ձերբակալված զինվորականներից 62 ռազմածովային ուժերի, 4-ը ցամաքային ուժերի, 2-ն էլ ժանդարմերիայի ծառայողներ են: Նրանց շարքում կա 2 գնդապետ, 7 կապիտան, 36 ավագ լեյտենանտ, 3 լեյտենանտ և 22 ենթասպա: Ձերբակալվածների շարքում կան նաև ռազմական օդաչուներ:

Նշվում է, որ Քոնիայի ոստիկանության մաքսանենգության և կազմակերպված հանցավորության վարչության կողմից նախաձեռնված գործողությունը դեռևս շարունակվում է:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։