Թուրքիայում փակված քրդական թերթի 24 աշխատակիցներին մինչև 15 տարի ազատազրկում է սպառնում

Իրավական07:57, 13 Նոյեմբեր 2017

Թուրքիայում փակված քրդական թերթի 24 աշխատակիցներին մինչև 15 տարի ազատազրկում է սպառնում

Թուրքիայում քրդերեն օրաթերթի՝ «Azadiya Welat»-ի ձերբակալված 24 աշխատակիցներին 7.5-ից մինչև 15 տարվա ազատազրկում է սպառնում:

2016-ի հուլիսի 15-ին տեղի ունեցած հեղաշրջման փորձից հետո երկրում հայտարարված արտակարգ դրության շրջանակներում մի շարք լրատվամիջոցների հետ միասին փակված «Azadiya Welat»-ի աշխատակիցների վերաբերյալ հետաքննություն էր սկսել Դիարբեքիրի հանրապետական դատախազությունը:

Ըստ թուրքական «Gazetekarınca.com» լրատվական կայքի՝ դատախազության կազմած մեղադրական եզրակացության մեջ թերթի 24 աշխատողների վերաբերյալ «ահաբեկչական կազմակերպությանը դիտավորյալ օգնելու» մեղադրանք է առաջադրվել՝ 7.5-15 տարի ազատազրկման պահանջով:

Դիարբեքիրի ծանր հանցագործությունների 9 և 10-րդ դատարանների կողմից ընդունված մեղադրական եզրակացության հիման վրա 2018-ի փետրվարին տեղի կունենա առաջին դատական նիստը:

Հիշեցնենք, որ Թուրքիայում հրատարակվող միակ քրդերեն օրաթերթը փակվել էր 2016-ի հոկտեմբերի 29-ին «ազգային անվտանգությանը սպառնալիք լինելու» պատճառաբանությամբ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։