Թուրքիայի 40 նահանգում իրավապահները գյուլենականների դեմ միաժամանակյա օպերացիա են սկսել

Իրավական08:45, 22 Նոյեմբեր 2017

Թուրքիայի 40 նահանգում իրավապահները գյուլենականների դեմ միաժամանակյա օպերացիա են սկսել

Թուրքիայում 2016-ի հուլիսից երկարաձգվող արտակարգ դրության պայմաններում շարունակվում են հեղաշրջման փորձի կազմակերպման մեջ մեղադրվող գյուենական շարժման հետ կապ ունեցաղ անձանց ձերբակալությունները:

Քոնյա քաղաքի հանրապետական դատախազությունում գյուլենականների դեմ իրականացվող մի հետաքննության շրջանակներում 134 մարդու նկատմամբ ձերբակալման որոշում է կայացվել: Ըստ թուրքական «Mynet.com» լրատվական կայքի՝ նշյալ անձանց ձերբակալելու նպատակով նոյեմբերի 22-ին երկրի 40 նահանգում միաժամանակյա գործողություն է սկսվել:

Ձերբակալվածները մեղադրվում են երկրի զինված ուժերում Թուրքիայում ահաբեկչական խմբավորում հայտարարված գյուլենական շարժման գաղափարները քարոզելու, անդամներ հավաքագրելու և շարժման ղեկավարության կողմից տրված այլ հանձնարարություններ կատարելու մեջ:

Նշվում է, որ Անկարայում տեղի ունեցող գյուլենականների գործով մեկ այլ հետաքննության շրջանակներում էլ ձերբակալման որոշում է կայացվել ֆինանսների նախարարության 82 նախկին աշխատողների նկատմամբ: Նրանցից 17-ն արդեն ձերբակալված է:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։