Էրդողանը պահանջել է արգելափակել բրազիլացի ծաղրանկարչի թվիթերյան հաշիվը

Իրավական13:23, 18 Դեկտեմբեր 2017

Էրդողանը պահանջել է արգելափակել բրազիլացի ծաղրանկարչի թվիթերյան հաշիվը

Թուրքիայի նախագահ, իշխող «Արդարություն և զարգացում» կուսակցության (ԱԶԿ-AKP) առաջնորդ Ռեջեփ Թայիփ Էրդողանը «Twitter» -ից պահանջել է արգելափակել բրազիլացի ծաղրանկարիչ Կառլոս Լաթուֆի հաշիվը: Թուրքական ընդդիմադիր «Cumhuriyet» թերթի կայքի տեղեկացմամբ՝ պատճառն այդ կայքում Լաթուֆի կողմից հրապարակված Էրդողանի ծաղրանկարներն են:

Թուրքիայում տիրող քաղաքական իրավիճակի և կառավարության վերաբերյալ իր քննադատական աշխատանքներով հայտնի Լաթուֆը Էրդողանի պահանջով կայացված արգելափակման պահանջը հրապարակել է «Twitter»-ում:

Աղբյուրի համաձայն՝ Էրդողանի փաստաբանները իրավաբանական ճնշում են գործադրում «Twitter»-ի վրա՝ շուրջ 80 բովանդակության հեռացման պահանջով, որոնց թվում տեղ է գտել նաև 11 ծաղրանկար: Լաթուֆն այս որոշումը բնութագրել է որպես հակաժողովրդավարական գրաքննություն՝ միաժամանակ հռետորական հարց հնչեցնելով. «Ինչի՞ց է վախենում Էրդողանը»:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։