Թուրքիայում հեղաշրջման փորձի գործով 320 մեղադրյալ ցմահ ազատազրկման է դատապարտվել

Իրավական12:24, 17 Հունվար 2018

Թուրքիայում հեղաշրջման փորձի գործով 320 մեղադրյալ ցմահ ազատազրկման է դատապարտվել

Թուրքիայում շարունակվում են գյուլենական համայնքի ներկայացուցիչների դեմ դատավարությունները:

Ըստ թուրքական «Star» թերթի կայքի՝ հայտնի է դարձել, որ 320 մեղադրյալ դատապարտվել է ցմահ ազատազրկման, որից 147-ը իրենց պատիժը բանտում անցկացնելու են խստացված պայմաններում:

Վերջիներիս առաջադրվել է «ահաբեկչական կազմակերպության անդամ լինելու մեղադրանք»: Աղբյուրը նշում է, որ նրանք մեղադրվել են ոչ միայն գյուլենական համայնքին, այլև «ուրիշ ահաբեկչական կազմակերպություններին» անդակցելու մեջ:

Գյուլենական համայնքը Թուրքիայում համարվում է ահաբեկչական, իսկ վերջինիս առաջնորդ՝ իսլամի քարոզիչ, ամերիկաբնակ միլիարդատեր Ֆեթթուլլահ Գյուլենը մեղադրվում է 2016թ հուլիսի 15-ին Թուրքիայում իրակացված ռազմական հեղաշրջման փորձը նախաձեռնելու մեջ:

Հիշեցնենք, որ 2016-ի հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ էր կատարվել, որը, սակայն, հուլիսի 16-ի դրությամբարդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել է 248 զոհ և 2.196 վիրավոր:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։