2017թ․ Թուրքիայում դատական գործերում ներգրավված կին կասկածյալների թիվը հատել է 1 միլիոնի սահմանը

Իրավական08:06, 29 Մայիս 2018

2017թ․ Թուրքիայում դատական գործերում ներգրավված կին կասկածյալների թիվը հատել է 1 միլիոնի սահմանը

Թուրքիայի արդարադատության նախարարությանն առընթեր Քրեական ռեեստրի և վիճակագրության գլխավոր վարչությունը 2017թ․ Թուրքիայում կատարված հանցագործությունների վերաբերյալ ամփոփ տվյալներ է հրապարակել։

Ըստ այդմ՝ 2017թ․ դրությամբ Թուրքիայի 7 մլն 857․000 բնակիչ ներգրավվել է դատական գործերում որպես կասկածյալ։ Ընդ որում, վերջին 7 տարվա ընթացքում առաջին անգամ կին կասկածյալների թիվն անցել է 1 միլիոնից։

Յուրաքանչյուր դատախազի բաժին է ընկել 1․963 դատական գործ, յուրաքանչյուր դատավորի՝ 929։ Յուրաքանչյուր դատավարության միջին տևողությունը կազմել է 417 օր։

2017թ․ Թուրքիայում ամենից շատ արձանագրվել են սեփականության դեմ ուղղված հանցագործություններ, մասնավորապես՝ գողություն, խաբեբայություն, գույքի վնասում։ Այս հանցագործությունները հատկապես տարածված են Մարմարայի, միջերկրածովյան տարածաշրջանում, Միջին և Հարավարևելյան Անատոլիայի մի մասում։ Իսկ կանխամտածված սպանության կամ մարմնական վնասվածք հասցնելու դեպքերն ավելի տարածված են սևծովյան, էգեյան տարածաշրջաններում և Արևելյան Անատոլիայում։

Սեռական բռնության վերաբերյալ ամենից շատ քրեական գործեր են հարուցվել Ստամբուլում (1.191 դեպք)։ Ստամբուլին հաջորդում են Իզմիրը, Անկարան, Անթալիան, Քոնյան։ Սպանության մեղադրանքով ամենից շատ քրեական գործեր են հարուցվել Ստամբուլում, Անկարայում, Ադանայում, Իզմիրում և Սաքարիայում։

Հայտնի է դարձել նաև, որ 2017թ․ զգալիորեն նվազել է Սահմանադրական դատարանին ուղղված անհատական հայցերի թիվը՝ հասնելով 40․530-ի։ 2016թ․ այդ թիվը կազմում էր 80․756։

Աղբյուր` HaberTürk

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։