Թուրք հայտնի պատմաբանը դիմել է դատարան` իր անունից Facebook-ում բացված կեղծ հաշիվները փակելու պահանջով

Իրավական09:46, 30 Մայիս 2018

Թուրք հայտնի պատմաբանը դիմել է դատարան` իր անունից Facebook-ում բացված կեղծ հաշիվները փակելու պահանջով

Թուրք պատմաբան Իլբեր Օրթայլըն դիմել է դատարան` պահանջելով փակել իր անունից «Facebook» սոցիալական ցանցում բացված կեղծ հաշիվները:

Պատմաբանի փաստաբանը պնդել է, որ վերոնշյալ կեղծ հաշիվները, Օրթայլըի անունից գրառումներ անելով, փորձում են ցույց տալ, թե վերջինս պետության հետ խնդիրներ ունի:

Թուրքիայի ամենահայտնի պատմաբաններից մեկը համարվող Օրթայլըն իր հայցում նշել է, որ վերոնշյալ հաշիվները իր անունից քաղաքական և այլ կարևոր թեմաներով գրառումներ են կատարում, որոնք չեն բխում իր անձնական դիրքորոշումից: Դատարանը բավարարել է պատմաբանի հայցը և արգելափակել 4 կեղծ հաշիվ:

Նշենք, որ սա առաջին դեպքը չէ, որ Օրթայլըն նման հայցով դիմում է դատարան: Նա մի քանի ամիս առաջ կրկին դատարան հայց էր ներկայացրել` պահանջելով փակել իր անունից բացված 2 կեղծ հաշիվ «Twitter» սոցիալական ցանցում:

Աղբյուր` Milliyet.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։