Էրդողանի փեսան պատրաստվում է դատի տալ նախագահի թեկնածուներից մեկին

Իրավական10:39, 22 Հունիս 2018

Էրդողանի փեսան պատրաստվում է դատի տալ նախագահի թեկնածուներից մեկին

Թուրքիայի էներգետիկայի և բնական պաշարների նախարար Բերաթ Ալբայրաքը, ով նաև Թուրքիայի նախագահ Ռեջեփ Թայիփ Էրդողանի փեսան է, պատրաստվում է դատական հայց ներկայացնել ընդդիամդիր «İYİ» կուսակցության նախագահ տիկին Մերալ Աքշեների դեմ:

Պատճառն Ալբայրաքի և Էրդողանի մասին Աքշեների հնչեցրած խոսքերն են: Աքշեները, նկատի ունենալով Էրդողանին և Ալբայրաքին, ասել էր. «Ձեր փեսան «Anadolu» լրատվական գործակալությանը հրահանգել է ընտրությունների գիշերը հայտարարել, որ դուք ստացել եք ձայների 52%-ը, այնպես չէ՞»:

Այդ խոսքերից խիստ դժգոհել է Ալբայրաքը և գրառում արել Twitter-ում:

«Ցավով ենք հետևում, թե ինչպես են ժողովրդի աջակցությունը չունեցողները կրկին դիմում զրպարտությունների»:

Այժմ Ալբայրաքն Աքշեներից պահանջում է 1 մլն թուրքական լիրայի փոխհատուցում: Նշել է, որ եթե դատական գործը շահի, ապա ստացված ողջ գումարը բաժանելու է թուրք-քրդական բախումների ժամանակ զոհված թուրք զինվորների ընտանիքներին:

Հիշեցնենք, որ հունիսի 24-ին Թուրքիայում կայանալու են խորհրդարանական և նախագահական արտահերթ ընտրություններ:

Աղբյուր` Sondakika

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։