Թուրքիայում շարունակվում են քրդամետ կուսակցության պատգամավորների դեմ դատական հետապնդումները

Իրավական12:25, 17 Հուլիս 2018

Թուրքիայում շարունակվում են քրդամետ կուսակցության պատգամավորների դեմ դատական հետապնդումները

Հունիսի 24-ին Թուրքիայում տեղի ունեցած խորհրդարանական ու նախագահական արտահերթ ընտրություններից հետո ևս շարունակվում են քրեական հետապնդումները քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավորների նկատմամբ:

Այս անգամ էլ Դիարբեքիրի հանրապետական դատախազությունը հետաքննություն է սկսել ԺԴԿ-ական պատգամավորներ Մուսա Ֆարիսօղուլլարի և Ռեմզիյե Թոսունի նկատմամբ: Պատճառն այն է, որ պատգամավորներն օրեր առաջ մասնակցել են թուրքական անվտանգության ուժերի հետ բախումների հետևանքով զոհված «Քուրդիստանի բանվորական կուսակցության» (PKK-ՔԲԿ) զինյալներից մեկի հուղարկավորությանը:

Հաղորդվում է, որ սպանված ՔԲԿ-ականը եղել է կառույցի Սևծովյան տարածաշրջանի պատասխանատու Մեհմեթ Յաքըշըրը, ով հայտնի է եղել Զեյնել կեղծանվամբ:

Քուրդ պատգամավորներին «ահաբեկչական կազմակերպության օգտին քարոզչություն անելու» մեղադրանք է առաջադրվել:

Նշենք, որ 2016թ. Էրդողանի գլխավորած «Արդարություն և զարգացում» կուսակցության նախաձեռնությամբ պատգամավորների անձեռնմխելիության մասին սահմանադրության համապատասխան հոդվածում փոփոխություններ կատարվեցին: Այնուհետև բազմաթիվ պատգամավորների նկատմամբ քրեական գործեր հարուցվեցին: Հարուցված քրեական գործերով անձեռնմխելությունից զրկվեցին, ապա նաև ձերբակալվեցին քրդամետ կուսակցության մի շարք պատգամավորներ: Այս պահին դեռևս շարունակվում են կալանավորված մնալ ԺԴԿ-ի նախկին համանախագահներ Սելահաթթին Դեմիրթաշը, Ֆիգեն Յուքսեքդաղը և մոտ մեկ տասնյակ ԺԴԿ-ական նախկին պատգամավորներ:

Աղբյուր` Sabah

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։