3-ամյա երեխայի հետ թուրքական բանտում պահվող կինը վերադարձել է Գերմանիա

Իրավական11:47, 27 Օգոստոս 2018

3-ամյա երեխայի հետ թուրքական բանտում պահվող կինը վերադարձել է Գերմանիա

2017թ. մայիսի 6-ին Թուրքիայում կալանավորված, իսկ հետագայում պայմանականորեն ազատ արձակված «Etkin» (ETHA) լրատվական գործակալության թղթակից և թարգմանիչ, ազգությամբ թուրք, Գերմանիայի քաղաքացի Մեշալե Թոլուն վերադարձել է Բեռլին։

Թուրքական դատարանը Թուլուին պայմանականորեն ազատ արձակելուց հետո նրա նկատմամբ Թուրքիայից դուրս գալու ժամանակավոր արգելք էր սահմանել։ Այդ արգելքը լրացել է այս տարվա օգոստոսի 20-ին։

Թոլուն մեղադրվում էր Թուրքիայում արգելված «Մարքսիստ-լենինիստ կոմունիստական կուսակցության» (ՄԼԿԿ- MLKP) անդամ լինելու, ինչպես նաև վերջինիս օգտին քարոզչություն անելու մեջ։

Աղբյուրը հաղորդում է, որ թղթակիցը Թուրքիայում պահվում էր կանանց համար նախատեսված բանտախցում։ Ընդ որում նրա հետ բանտում էր գտնվում նաև իր 3-ամյա որդին։

Գերմանիա վերադառնալուն պես Թոլուն զրուցել լրատվամիջոցների հետ։

«Այսօր ես այստեղ եմ, սակայն հազարավոր իմ գործընկերներ, ընդիմադիրներ, փաստաբաններ և ուսուցիչներ շարունակվում են կալանքի տակ պահվել։ Ամուսնուս թողեցի այնտեղ։ Որդիս էլ այս տեղին պետք է հարմարվի, գերմաներեն է սովորելու»։

Տեղեկացնենք, որ Թոլուի ամուսնուն՝ Սուաթ Չորլուին, առաջադրվել են նմանատիպ մեղադրանքներ նրա նկատմամբ առայժմ գործում է երկրից դուրս գալու արգելքը։ Այդ իսկ պատճառով նա չի կարողացել կնոջ և երեխայի հետ վերադառնալ Գերմանիա։

Աղբյուր` tr.euronews.com/

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։