Թուրքիայում յուրաքանչյուր 100․000 բնակչից 254-ը դատապարտյալ է

Իրավական11:38, 08 Հոկտեմբեր 2018

Թուրքիայում յուրաքանչյուր 100․000 բնակչից 254-ը դատապարտյալ է

Մամուլի վերլուծությամբ զբաղվող «Ajans Press» թուրքական գործակալությունը փորձել է պարզել տարբեր երկրներում դատապարտյալների և բնակչության թվի հարաբերակցությունը։ Գործակալությունն այդ նպատակով վերլուծել է Տնտեսական համագործակցության և զարգացման կազմակերպության (OECD) հրապարակած տվյալները և մամուլի հրապարակումները։

Ըստ այդմ՝ 2017թ․ դրությամբ Թուրքիայում յուրաքանչյուր 100․000 քաղաքացուց 254-ը դատապարտյալ է։ Այս ցուցանիշով Թուրքիան աշխարհում երրորդ հորիզոնականն է զբաղեցնում՝ զիջելով միայն ԱՄՆ-ին և Իսրայելին։

ԱՄՆ-ում յուրաքանչյուր 100․000 բնակչից ազատազրկված է 666-ը, Իրայելում՝ 265-ը։ Այս ցանկում չորրոորդ հորիզոնականում Չիլին է, որտեղ անազատության մեջ է գտնվում յուրաքաչյուր 100․000 բնակչից 237-ը։

Ցանկի վերջին հորիզոնականում Ճապոնիան է, որտեղ ամեն 100․000 բնակչից ազատազրկված է 45-ը։ Գերմանիայում այդ ցուցանիշը կազմում է 76, Իտալիայում՝ 93։

Մամուլի վերլուծությունը ցույց է տվել նաև, որ մասնավորապես քաղաքական ընտրություններից առաջ և հետո կտրուկ ավելանում է համաներման կոչերի մասին մամուլի հրապարակումների թիվը։

Աղբյուր` milliyet.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։