Թուրք մանկավարժը կալանավորվել է սոցցանցում Աթաթուրքին վիրավորող գրառում կատարելու պատճառով

Իրավական08:45, 09 Հոկտեմբեր 2018

Թուրք մանկավարժը կալանավորվել է սոցցանցում Աթաթուրքին վիրավորող գրառում կատարելու պատճառով

Թուրք մանկավարժը կալանավորվել է սոցցանցում Աթաթուրքի հասցեին քննադատական գրառում կատարելու պատճառով:

Մանկավարժը աշխատում էր Թուրքիայի Մալաթիա քաղաքի դպրոցներից մեկում: Ըստ աղբյուրի՝ ուսուցիչը (Մուրաթ Ք.) իր գրառման մեջ «վիրավորել է» Թուրքիայի Հանրապետությունը, ինչպես նաև հիմնադիր և առաջին նախագահ Մուստաֆա Քեմալ Աթաթուրքին։

Հանրապետական դատախազության կողմից սկսված հետաքննության շրջանակում ոստիկանական ուժերի օպերատիվ գործողությունների արդյունքում ուսուցիչը նախօրեին բերման էր ենթարկվել:

Հոկտեմբերի 9-ին հերթապահ դատարանը կալանավորել է ուսուցչին:

Հիշեցնենք, որ ուսուցիչը գրառման մեջ Աթաթուրքին անվանել է «20-րդ դարի մեծագույն սատանա»:
Դպրոցի տնօրենը թուրքական լրատվամիջոցների հետ զրույցում նշել է, որ տեղի ունեցածի կապակցությամբ բազմաթիվ բողոքներ են ստացվել։ Ուսուցչին խստորեն դատապարտել է Թուրքիայի ընդդիմադիր, քեմալական «Ժողովրդահանրապետական» կուսակցության (ԺՀԿ-CHP) փոխնախագահ և Մալաթիայի պատգամավոր Վելի Աղբաբան։

Աղբյուր` Sozcu

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։