Ստամբուլում ձերբակալվել է ադրբեջանական մաֆիայի մի պարագլուխ

Իրավական06:03, 09 Հոկտեմբեր 2018

Ստամբուլում ձերբակալվել է ադրբեջանական մաֆիայի մի պարագլուխ

Ստամբուլում Թուրքիայի ոստիկանության կողմից իրականացված օպերացիայի ընթացքում ձերբակալվել է ադրբեջանական մաֆիայի ղեկավարներից Նադիր Սալիֆովը, ով հայտնի է «Լոթու Գուլի» կեղծանվամբ։

Օպերացիան իրականացրել է Ստամբուլի ոստիկանության կազմակերպված հանցագործությունների դեմ պայքարի վարչությունը։

Թուրքիայում Սալիֆովը հայտնի դարձավ այն բանից հետո, երբ 2016-ին Ստամբուլում սպանվեց ադրբեջանցի մեկ այլ հանցավոր խմբի պարագլուխ Ռովշան Ջանիևը։ Լուրեր էին շրջանառվում, թե Ջանիևի սպանության պատվիրատուն հենց Սալիֆովն է եղել։

Թուրքական աղբյուրը, հղում անելով ռուսական մամուլին, նշում է, որ Սալիֆովն ակտիվ գործունեություն էր ծավալել նաև Ռուսաստանում։ Նա Մոսկվայում զբաղվում էր դրամաշորթությամբ: Նրա պատճառով տուժել են բազմաթիվ ռուս գործարարներ։

Թուրքական աղբյուրը հաղորդում է, որ Սալիֆովն ուղարկվելու է Ադրբեջան։

Աղբյուր` CNN Türk

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։