Թուրքիայում ձերբակալվել է ռազմաօդային ուժերի գյուլենական համարվող 36 զինվորական

Իրավական10:14, 15 Հոկտեմբեր 2018

Թուրքիայում ձերբակալվել է ռազմաօդային ուժերի գյուլենական համարվող 36 զինվորական

Անկարայի հանրապետական դատախազության ցուցումով ձերբակալման որոշում է կայացվել 36 անձանց նկատմամբ, որոնք մեղադրվում են Թուրքիայում ահաբեկչական համարվող «Ֆեթուլլահական կազմակերպության» (FETÖ-գյուլենական համայնք) հետ կապ ունենալու մեջ: Կասկածյալները Թուրքիայի ռազմաօդային ուժերի պայմանագրային զինծառայողներ են:

Գյուլենական համայնքի «խորհրդավոր իմամների» հետ կապեր ունենալու մեղադրանքով ձերբակալված 36 զինվորականներից` 33 ավագ լեյտենանտ է, 3-ը` լեյտենանտ:

Կալանավորված կասկածյալների նկատմամբ իրականացվում է ծառայողական քննություն:

Հիշեցնենք, որ գյուլենական համայնքի առաջնորդ, իսլամի քարոզիչ ամերիկաբնակ միլիարդատեր Ֆեթթուլահ Գյուլենը մեղադրվում է 2016-ի հուլիսին ռազմական հեղաշրջման փորձ նախաձեռնելու մեջ:

Թուրքական իշխանությունները բազմիցս դիմել են ԱՄՆ-ի ղեկավարությանը՝ կոչ անելով արտահանձնել ԱՄՆ-ի Փենսիլվանիա նահանգում բնակվող Գյուլենին, բայց ապարդյուն:

Աղբյուր` Haberturk

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։