Թուրքիայի զինված ուժերում շարունակվում են գյուլենականների ձերբակալությունները

Իրավական06:56, 09 Նոյեմբեր 2018

Թուրքիայի զինված ուժերում շարունակվում են գյուլենականների ձերբակալությունները

Ստամբուլի հանրապետական գլխավոր դատախազությունը Թուրքիայի Զինված ուժերում հատուկ միջոցառումներ է ձեռնարկել բանակում գյուլենական համայնքի ներկայացուցիչ համարվող զինծառայողներին բացահայտելու ուղղությամբ։

Իրականացված գործողությունների արդյուքնում թուրքական բանակի 103 պայմանագրային զինծառայողի ձերբակալելու որոշում է կայացվել։ Ըստ դատախազության՝ այդ զինվորները ընդհանուր օգտագործման հեռախոսային ապարատներով (տաքսաֆոն) կապ են հաստատել գյուլենական «խորհրդավոր իմամների» (մահմեդական հոգևորական) հետ։

103 պայմանագրային զինծառայողներից 2-ը գնդապետ են, 2-ը՝ փոխգնդապետ, 6-ը՝ մայոր, 14-ը՝ կապիտան, 21-ը՝ ավագ լեյտենանտ, 7-ը՝ լեյտենանտ, 47-ը՝ ենթասպա և 4-ը՝ ավագ սերժանտ։

Դատախազության որոշումից հետո Ստամբուլի ոստիկանության ահաբեկչության դեմ պայքարի բաժինը զինվորականներին հայտնաբերելու և ձերբակալվելու ուղղությամբ հատուկ գործողություններ է իրականացրել, որոնց արդյունքում ձերբակալվել է 74 զինվորական:

Հիշեցնենք, որ թուրքական իշխանությունները 2016 թ. հուլիսի 15-ին տեղի ունեցած ռազմական հեղաշրջման փորձի կազմակերպման մեջ մեջ մեղադրում են գյուլենականներին (FETÖ-գյուլենական համայնք) ի դեմս նրանց առաջնորդ ԱՄՆ-ում բնակվող Ֆեթուլլահ Գյուլենի։ Թուրքիայի իրավապահ մարմինները շարունակում են, իրենց պնդմամբ, զինված ուժեր թափանցած գյուլենական զինծառայողների «որսը»։

Աղբյուր` AA

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։