Քեմալ Քըլըչդարօղլուն հերթական «բարոյական փոխհատուցումը» կվճարի Էրդողանին

Իրավական11:43, 13 Նոյեմբեր 2018

Քեմալ Քըլըչդարօղլուն հերթական «բարոյական փոխհատուցումը» կվճարի Էրդողանին

Թուրքիայի ընդդիամադիր «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուն հերթական «բարոյական փոխհատուցումը» կվճարի նախագահ Ռեջեփ Թայիփ Էրդողանին։ Ստամբուլի 20-րդ անատոլիական դատարանը ընդդիմադիր կուսակցապետին այս անգամ պարտավորեցրել է 130․000 թուրքական լիրա (շուրջ 23․600 ԱՄՆ դոլար) տուգանք վճարել։

Նշված դատական գործով Քըլըչդարօղլուն մեղադրվում էր 2018թ․ փետրվարի 13-ին իր կուսակցության խորհրդարանական խմբակցության նիստում Էրդողանի հասցեին հնչեցրած այն մեղադրանքների համար, թե վերջինս և իր հարազատների բրիտանական ՄԵն կղզում հիմնված մի կեղծ ընկերության հաշվին խոշոր դրամական փոխանցումներ են կատարել։ Այս հայտարարության համար Էրդողանի փաստաբանների ներկայացրած հայցով Քըլըչդարօղլուից 500․000 լիրա կամ 90․900 ԱՄՆ դոլարի բարոյական փոխհատուցում էր պահանջվել։

Նախագահ Էրդողանին վիրավորելու մեղադրանքով Թուրքիայում հարուցվող քրեական գործերով մեղադրյալի աթոռին ամենից հաճախ հայտնվող գործիչը հենց ԺՀԿ առաջնորդն է։ Մինչ օրս նրա դեմ 29 նմանատիպ գործ է հարուցվել, որոնց մի մասն է առայժմ ավարտին հասցվել։

Միայն Մեն կղզի դրամական փոխանցումների մասին հայտարարությունների պատճառով Քըլըչդարօղլուն 2018թ․ ընթացքում արդեն 3 դատական գործ էր տանուլ տվել։ Դրանց արդյունքում վերջինս պարտադրել էր Էրդողանին 698․000 լիրա (շուրջ 147․000 դոլար) տուգանք վճարել։ Ընդ որում՝ բոլոր տուգանքները պետք է վճարվեն յուրաքանչյուր հայտարարության օրվանից սկսած հաշվարկվող դատական տոկոսների հետ միասին։

Աղբյուր` trthaber.com

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։