Պաշտոնական. 2018-ին թուրքական ուժայինների կողմից սպանվել է 1289 քուրդ զինյալ

Իրավական14:31, 15 Նոյեմբեր 2018

Պաշտոնական. 2018-ին թուրքական ուժայինների կողմից սպանվել է 1289 քուրդ զինյալ

Թուրքիայի ներքին գործերի նախարար Սուլեյման Սոյլուն պաշտոնական տվյալներ է հրապարակել 2018-ին այդ երկրի ուժային կառույցների կողմից քրդական «Քուրդիստանի բանվորական կուսակցության» (ՔԲԿ-PKK) զինյալների դեմ իրականացրած գործողությունների մասին:

Ըստ այդմ՝ Թուրքիայում և մի քանի այլ երկրներում ահաբեկչական կազմակերպություն հայտարարված քրդական PKK-ի դեմ ընթացիկ տարում իրականացվել է 87.838 գործողություն: Այդ գործողությունների ընթացքում սպանվել է 1289 քուրդ զինյալ, որոնցից 100-ը եղել են քրդական ռազմաքաղաքական կազմակերպության բարձրաստիճան պատասխանատուներ:

Սոյլուն տեղեկացրել է, որ PKK-դեմ իրականացվող գործողությունները վերջին 2 տարում ավելացրել են 173 տոկոսով:

Թուրք նախարարը տվյալներ է հրապարակել նաև ԱՄՆ–ում բնակվող միլիարդատեր, իսլամի քարոզիչ Ֆեթուլլահ Գյուլենի հիմնած Գյուլենական համայնքի (ներկայում Թուրքիայում անվանվում է FETÖ-Ֆեթուլահական ահաբեկչական կազմակերպություններ) անդամների նկատմամբ իրականացված գործողությունների մասին:

Թուրքիայում ահաբեկչական կառույց համարվող և 2016-ի հուլիսին տեղի ունեցած հեղաշրջման փորձին մասնակցություն ունենալու մեջ մեղադրվող FETÖ-ի դեմ 2016-ից ի վեր իրականացվել է 62.730 գործողություն: Դրանց ընթացքում էլ ձերբակալվել է 217.971 մարդ: 16.684 հոգու դատապարտվել է, ևս 14.750-ը դեռևս կալանավորված է:

Աղբյուր` NTV.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։