Թուրքիայում դատախազությունը հրաժարվել է դատ բացել ՆԳ նախարարի դեմ ընդդիմադիր կուսակցապետին վիրավորալու համար

Իրավական09:08, 22 Նոյեմբեր 2018

Թուրքիայում դատախազությունը հրաժարվել է դատ բացել ՆԳ նախարարի դեմ ընդդիմադիր կուսակցապետին վիրավորալու համար

Անկարայի հանրապետական դատախազությունը մերժել է Թուրքիայի գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) առաջնորդի հայցը, որով նա պահանջել էր իրեն վիրավորելու մեղադրանքով դատ բացել ներքին գործերի նախարարի դեմ:

2017 թվականին ԺՀԿ-ի առաջնորդ Քեմալ Քըլըչդաչօղլուն հայտարարել էր, որ իր տրամադրության տակ են գտնվում փաստաթղթեր, որոնք ապացուցում են նախագահ Ռեջեփ Թայիփ Էրդողանի ազգականների՝ 2011-2012 թվականներին Մեն կղզում տեղակայված օֆշորային ընկերություն միլիոնավոր դոլարներ փոխանցելը:

Դրանից հետո թուրքական հեռուստաընկերություններից մեկին հյուրընկալված ՆԳ նախարար Սուլեյման Սոյլուն Քըլըչդարօղլուին անվանել էր կեղծարար ու անպատկառ:

«Այդ մարդը բանսարկու է, նա անպատկառ քաղաքականություն է վարում: Թուրքիան այդպիսի կեղծարար դեռ չի տեսել»:

Անկարայի դատախազությունը հայցին ընթացք տալու մերժումը հիմնավորել է խոսքի ազատության հանգամանքով: Հետաքրքրական է, որ հիմնավորման մեջ դատախազությունը հղում է արել Մարդու իրավունքների եվրոպական դատարանին: Եվ սա այն դեպքում, երբ նախօրեին նախագահ Ռեջեփ Թայիփ Էրդողանը հայտարարել էր, որ ՄԻԵԴ-ի վճիռներն իրենց չեն պարտավորեցնում:

Հիշեցնենք, որ ՄԻԵԴ նոյեմբերի 20-ին պահանջել է վերացնել Թուրքիայում բանտարկված քրդամետ «Ժողովուրդների դեմոկրատական կուսակցության» (ԺԴԿ/HDP) նախկին համանախագահ Սելահաթթին Դեմիրթաշի կալանքը:

Էրդողանը, ի պատասխան ՄԻԵԴ-ի պահանջին, ասել էր. «Եվրադատարանի վճիռը մեզ չի պարտավորեցնում: Մենք կանենք մեր պատասխան քայլը և գործը ավարտին կհասցնենք»:

Աղբյուր` Demokrathaber

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։