Գյուլի նախկին խորհրդականի դեմ ահաբեկչական խմբավորմանն անդամակցելու կասկածանքով հետաքննություն է սկսվել

Իրավական13:38, 21 Դեկտեմբեր 2018

Գյուլի նախկին խորհրդականի դեմ ահաբեկչական խմբավորմանն անդամակցելու կասկածանքով հետաքննություն է սկսվել

Թուրքիայի 11-րդ նախագահ (2007-2014թթ.) Աբդուլլահ Գյուլի նախկին խորհրդական Ահմեթ Սևերի նկատմամբ նոր հետաքննություն է սկսվել: Սևերն այս անգամ կասկածվում է «զինված ահաբեկչական կազմակերպության անդամ» լինելու մեջ:

Թուրքական քրեական օրենսգրքի 314 հոդվածի 2-րդ մասի հատկանիշներով սկսված հետաքննության արդյունքում որպես մեղադրյալ ներգրավվելու պարագայում Սևերին սպառնում է 5-10 տարվա ազատազրկում:

Թուրքական դատարանը լրատվամիջողներին ժամանակավորաօպես արգելել է լուսաբանել տվյալ իրադարձությունը:

Հիշեցնենք, որ ավելի վաղ էլ Սեզերին դատի էր տվել Թուրքիայի ներկայիս նախագահ Ռեջեփ Թայիփ Էրդողանը: Պատճառը Գյուլի մասին Սևերի հեղինակած «Վկայություններս են. թող մեջս չմնան» վավերագրական գրքում Էրդողանի հասցեին տեղ գտած որոշ արտահայտություններ էին:

Բացի Էրդողանից Սևերի դեմ հայցեր էին ներկայացրել նաև Թուրքիայի տեխնոլոգիաների և արդյունաբերության նախարար Մուստաֆա Վարանքը, Էրդողանի գլխավորած «Արդարություն և զարգացում կուսակցության» (ԱԶԿ-AKP) անդամ, մեջլիսի փոխնախագահ Մուստաֆա Շենթոփը:

Դատական հայցերի հիման վրա Ստամբուլի գլխավոր դատախազությունը Սևերի նկատմամբ «պետական պաշտոնյային և հանրապետության նախագահին վիրավորելու» մեղադրանքով հետաքննություն էր սկսել:

Աղբյուր` Yurtgazetesi

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։