Թուրքիայում քրդամետ կուսակցության ներկայացուցիչներ են կալանավորվել

Իրավական07:15, 27 Դեկտեմբեր 2018

Թուրքիայում քրդամետ կուսակցության ներկայացուցիչներ են կալանավորվել

Թուրքիայի ոստիկանությունը շարունակում է հետապնդել քրդամետ ընդդիմադիր «Ժողովուրդների դեմոկրատական կուսակցության» (ԺԴԿ-HDP) ներկաայցուցիչներին:

Թուրքիայի Իգդիր նահանգում օպերացիա է իրականացնել, որի ժամանակ բերման է ենթարկվել քրդամետ կուսակցության 9 անդամ, որից 3-ի նկատմամբ կայացվել է կալանավորման որոշում: Մնացած 6-ը ազատ են արձակվել, պայմանով, որ չեն լքելու Թուրքիայի սահմանները:

Կալանավորված 3 HDP-ականներին առաջադրվել է «ահաբեկչական կազմակերպության օգտին քարոզչություն » անելու մեղադրաք:

Դրանց շարքում են HDP-ի նախկին Իգդիրի նահանգային կառույցի համամանախագահ Ջեսիմ Քաթարը, կուսակցության Իգդիրի կենտրոնական շրջանի ղեկավար Վեդաթ Յըլմազը և Ադեմ Քարթալը, ով նույնպես քրդամետ կուսակցության անդամ է:

Աղբյուր` Demokrathaber

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։