Ադրբեջանում ձերբկալվել է գյուլենական «Zaman» թերթի հրատարակչատան նախկին տնօրենը

Իրավական11:42, 30 Հունվար 2019

Ադրբեջանում ձերբկալվել է գյուլենական «Zaman» թերթի հրատարակչատան նախկին տնօրենը

Ադրբեջանում ձերբակալվել է Թուրքիայում ահաբեկչական համարվող «Ֆեթուլլահական կազմակերպության» (FETÖ-գյուլենական համայնք) բարձրաստիճան ղեկավար: Աղբյուրի փոխանցմամբ` վերջինս եղել է Ադրբեջանում գտնվող թուրքական «Zaman» թերթի հրատարակչատան տնօրենը:

Անկարայի հանրապետական գլխավոր դատախազության կողմից իրականացված հետաքննության շրջանակում ձերբակալման որոշում է կայացվել հրատարակչատան տնօրենի նկատմամբ:

Թուրքիայի «Ազգային հետախուզական կազմակերպությունը» (MIT) բացահայտելով վերջինիս գտնվելու վայրը, տեղեկություն է տրամադրել ադրբեջանական անվտանգության ուժերին, ինչից հետո կասկածյալը ձերբակալվել և հանձնվել է Թուրքիային:

Այժմ Թուրքիայի իրավապահ մարմինների կողմից կատարվում է ծառայողական քննություն:

Հիշեցնենք, որ 2016 թ. հուլիսի 15-ին թուրքական զինված ուժերի մի խումբ զինվորականներ եւ սպաներ փորձեցին հեղաշրջում կատարել: Հիմնական առճակատումը տեղի ունեցավ Ստամբուլում եւ Անկարայում, մահացավ 250 մարդ, ավելի քան 2 հազար մարդ էլ վիրավորեց:

Տեղի ունեցածի մեջ Անկարան մեղադրում է իսլամական քարոզիչ Ֆեթուլլահ Գյուլենին, որը 1999 թվականից ապրում է ԱՄՆ-ում: Գյուլենի տասնամյակների ընթացքում ձևավորած կրոնական շարժումը հենց նրա անունով անվանվում էր Գյուլենական շարժում կամ Գյուլենական համայնք: Հեղաշրջման փորձից հետո թուրքական իրավապահ մարմինները ձերբակալեցին շարժման հազարավոր հետևորդների, որոնք աշխատում էին տարբեր պետական գերատեսչություներում:

Աղբյուր` Ahaber

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։