Էրդողանն անդրադարձել է Հոլանդիայում զինված հարձակման մեջ կասկածվող թուրք ահաբեկչի հարցին

Իրավական08:36, 19 Մարտ 2019

Էրդողանն անդրադարձել է Հոլանդիայում զինված հարձակման մեջ կասկածվող թուրք ահաբեկչի հարցին

Թուրքիայի նախագահ Ռեջեփ Թայիփ Էրդողանը Հոլանդիայի Ուտրեխտ քաղաքում տեղի ունեցած զինված հարձակման վերաբերյալ հայտարարություն է արել:

Քանի որ տրամվայում զինված հարձակում կատարած անձը ազգությամբ թուրք է, Էրդողանը նշել է, որ թուրքական հետախուզությունն ուսումնասիրում է դեպքի մանրամասները:

«Հետաքննվում է, թե արդյոք այդ հարձակումը ահաբեկչական է, թե ուղղակի անձնական բնույթի հաշիվ է: Մեր հետախուզական ծառայությունը պարզում է դեպքի մանրամասները: Սպասում ենք արդյունքների»,-ասել է Թուրքիայի նախագահը:

Թուրքիայի արտգործնախարարությունը դատապարտել է Ուտրեխտում տեղի ունեցած զինված հարձակումը և ցավակցություն հայտնել զոհերի հարազատներին:

Հիշեցնենք, որ մարտի 18-ին Հոլանդիայի Ուտրեխտ քաղաքում 37-ամյա տղամարդը կրակոցներ է արձակել տրամվայի ուղղությամբ, ինչի հետևանքով զոհվել է 3, վիրավորվել 5 մարդ: Ոստիկանությունն արդեն ձերբակալել է կասկածյալին՝ ազգությամբ թուրք 37-ամյա Գյոքմեն Թանըշին:

Աղբյուր` Euronews

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։