Թուրքիայի մեջլիսի վրա հարձակման փորձ կատարած անձինք կալանավորվել են

Իրավական13:20, 22 Մայիս 2019

Թուրքիայի մեջլիսի վրա հարձակման փորձ կատարած անձինք կալանավորվել են

Թուրքիայում կալանավորվել են ձախակողմյան «Հեղափոխական ազգային ազատագրական կուսակցություն-ճակատի» (DHKP-C) 2 անդամ, որոնք մայիսի 14-ին փորձել էին ներխուժել խորհրդարան:

«Հեղափոխական ազգային ազատագրական կուսակցություն-ճակատը» (DHKP-C) Թուրքիայում և Եվրոպայում ահաբեկչական է համարվում:

Միջադեպից հետո հիշյալ անձինք բերման էին ենթարկվել և 4 օր հարցաքննվել Անկարայի ոստիկանության ահաբեկչության դեմ պայքարի վարչությունում:

Հիշեցնենք, որ Թուրքիայի իրավապահ մարմինները կանխել էին այդ հարձակման փորձը, որը պետք է տեղի ունենար մեջլիսում:

Ըստ տեղեկության՝ 1 տղամարդ և 1 կին մտել էին Թուրքիայի խորհրդարանի շենք և հայտնել, որ նշանակված հանդիպում ունեն «Ժողովրդահանրապետական կուսակցության» (ԺՀԿ-CHP) պատգամավոր Մահմութ Թանալի հետ։

Իրավապահ մարմինների կողմից իրականացված ստուգման ժամանակ զինյալները փորձել էին պատանդ վերցնել անվտանգության աշխատակիցներին, սակայն շատ շուտով վնասազերծվել էին։

Աղբյուր` Sozcu

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։