Ստամբուլում անհայտ անձինք հարձակվել են հայաստանցի կնոջ վրա

Իրավական07:47, 02 Հունիս 2019

Ստամբուլում անհայտ անձինք հարձակվել են հայաստանցի կնոջ վրա

Ստամբուլի Սամաթիա թաղամասում անհայտ երկու անձինք ներխուժել են Ստամբուլում բնակվող Արփինե անունով հայ կնոջ բնակարան և դանակահրել նրան։ Աղբյուրը նշում է, որ կինը հայաստանցի է։

Նշվում է, երբ Արփինեի ամուսինը տանից դուրս է եկել, կարճ ժամանակ անց դիմակավորված անձինք դուռը թակել են և անմիջապես հարձակվել կնոջ վրա:

Դանակով իրականացված հարձակման հետևանքով հայ կինը վիրավորվել է, իսկ հարձակվողները փախուստի են դիմել, ասելով` «Սա սկիզբն է»։ Կինը հոսպիտալացվել է և կյանքին վտանգ չի սպառնում: Դեպքի կապակցությամբ հետաքննություն է սկսվել։

Պոլսո հայոց պատրիարքարանի հոգեւորական Զաքեոս Օհանյանը նշել է, որ հայաստանցի կնոջ տան պատին սպառնալից գրառումներ են եղել եւ խաչ է գծված եղել։

Աղբյուր` Gazetekarinca

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։