Բրազիլիան մերժել է գյուլենականության մեջ մեղադրվողին Թուրքիային արտահանձնելու պահանջը

Իրավական11:43, 07 Օգոստոս 2019

Բրազիլիան մերժել է գյուլենականության մեջ մեղադրվողին Թուրքիային արտահանձնելու պահանջը

Բրազիլիայի բարձրագույն դաշնային դատարանը մերժել է Թուրքիայիում ահաբեկչական կառույց համարվող «գյուլենական համայնքի» անդամ լինելու մեջ մեղադրվող Ալի Սիփահիին` Թուրքիա վերադարձնելու պահանջը:

Դատարանը վճռել է, որ որևէ երաշխիք չկա, որ Թուրքիայում Սիփահիի նկատմամբ արդար դատավարություն կիրականացվի:

Որոշումը ընդունվել է 5 դատավորի միաձայն քվեարկության արդյունքում:

Դատավոր Էդսոն Ֆաչինը ասել է. «Որևէ երաշխիք չկա, որ Թուրքիային արտահանձնելու դեպքում նշյալ անձի նկատմամբ անկախ դատարանի կողմից չեզոք դատավարություն կիրականացվի»:

Նշվում է, որ Բրազիլիայի գլխավոր դատավարությունը նույնպես միջնորդություն էր ներկայացրել արտահանձնել Սիփահիին Թուրքիային, սակայն որպես հիմնավորում ցույց էր տրվել, որ չկա որևէ փաստարկ, որը կապացուցի վերջինիս մասնակցությունը` «գյուլենականների կողմից կազմակերպված ահաբեկչական գործողությանը»:

31-ամյա գործարար Ալի Սիփահին 12 տարի է` ապրում է Բրազիլիայում:

Աղբյուրի փոխանցմամբ` մի որոշ ժամանակ բանտում մնալուց հետո այս տարի ազատ է արձակվել մինչև Բրազիլիայի բարձրագույն դաշնային դատարանի վճիռը:

Սիփահիի փաստաբանի խոսքով` իր պաշտպանյալը «Ասիա» բանկում գումարի տեսքով ավանդ դնելու համար մեղադրվում է կազմակերպության անդամ լինելու մեջ:

Բրազիլիական թերթը գրում է, որ երկրում գյուլենական համայնքի շուրջ 300 ներկայացուցիչ է ապրում, որից 10-ին Թուրքիան պահանջում է արտահանձնել:

Աղբյուր` BBC.com

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։