Իրավական10:34, 04 Սեպտեմբեր 2019
Թուրքիան մեկն է այն 4 եվրոպական երկրներից, որտեղ դատական համակարգն անկախ չէ
Թուրքիան մեկն է այն 4 եվրոպական երկրներից, որտեղ դատական համակարգն ու դատավորները անկախ չեն։ Ըստ Եվրամիության մարդու իրավունքների հանձնակատար Դունյա Միյատովիչի՝ կախյալ դատական համակարգ ունեցող մյուս երկրներն են Հունգարիան, Լեհաստանը և Ռումինիան։
Եվրամիության անդամ և թեկնածու երկրների դատական համակարգերի վերաբերյալ Միյատովիչի հրապարակած գրավոր հայտարարության մեջ ընդգծվել է, որ դատական համակարգի անկախությունը իրավական պետության հիմքն է, ինչպես նաև՝ ժողովրդավարության և մարդու իրավունքների պաշտպանության ամենակարևոր պայմաններից մեկը։
ԵՄ հանձնակատարը նշել է, որ անկախ ու անկողմնակալ դատարանի կողմից արդար դատավարության իրականացումը մարդու հիմնարար իրավունքներից մեկն է, որը երաշխավորված է նաև Մարդու իրավունքների եվրոպական կոնվենցիայով։ Միյատովիչը անդրադարձել է 9 երկիր կատարած իր այցերին՝ նշելով, որ հատկապես դրանցից 4-ում իշխանությունների միջամտութունը դատական համակարգի գործունեությանը մտահոգիչ չափով աճել է։
ԵՄ հանձնակատարը նաև վերահաստատել է ավելի վաղ Թուրքիայի վերաբերյալ իր հնչեցրած զգուշացումները։ Միյատովիչն ավելի վաղ Թուրքիային կոչ էր արել շտապ միջոցներ ձեռնարկել՝ դատական համակարգի վերաբերյալ վստահությունը վերականգնելու, և «արտակարգ դրության ռեժիմի» հասցրած վնասների վերականգնման համար։ Նա նաև զգուշացրել էր, որ Թուրքիայի դատական համակարգի անկախությունը վերջին շրջանում չափազանց թուլացել է, իսկ դատավորների և դատախազների միությունների վերաբերյալ ընդունված վերջին սահմանադրական փոփոխությունները հակասում են Եվրախորհրդի հիմնական ստանդարտներին։
Այս ենթաբաժնի վերջին նորությունները
Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |