Թուրքիայում ձերբակալվել ու կալանավորվել է հերթական լրագրողը

Իրավական16:56, 24 Հոկտեմբեր 2019

Թուրքիայում ձերբակալվել ու կալանավորվել է հերթական լրագրողը

Սոցիալական ցանցերում արած գրառումների համար հոկտեմբերի 23-ին Թուրքիայում ձերբակալվել էր «Net» լրատվական գործակալության լրագրող Էմրե Օրմանը: Նրա նկատմամբ կայացվել է կալանավորման որոշում: Հիմնավորումն այն է, որ Օրմանը «ահաբեկչական կազմակերպության օգտին քարոզչություն» է արել:

Թուրքիայի մամուլի, տպագրության ու հեռարձակման աշխատակիցների արհմիությունն այդ կապակցությամբ հաղորդագրություն է տարածել Twitter-ում, որտեղ մասնավորապես ասվում է. «Ձերբակալվել է լրագրող Էմրե Օրմանը: Բոլորին կոչ ենք անում տեր կանգնել տեղեկացված լինելու իրենց իրավունքին ու միայնակ չթողնել ազատազրկված լրագրողներին»:

Ավելացնենք, որ մի շարք միջազգային իրավապաշտպան կազմակերպությունների տվյալներով՝ Թուրքիան աշխարհում առաջինն է բանտարկված լրագրողների թվով:

Աղբյուր` Gerçek gündem

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։