Քոնիայի դատախազությունը հանցակազմ չի գտել կանգառներում ռասիզմ քարոզող պաստառներում

Իրավական15:06, 18 Դեկտեմբեր 2019

Քոնիայի դատախազությունը հանցակազմ չի գտել կանգառներում ռասիզմ քարոզող պաստառներում

Թուրքիայում Քոնիայի հանրապետական դատախազությունը քաղաքապետարանին պատկանող գովազդային վահանակների վրա փակցված ազգային և կրոնական ատելություն քարոզող պաստառների գործով որոշում է կայացրել փակել վարույթը:

Մարդու իրավունքների կազմակերպության ռասիսզմի և անջատողականության դեմ պայքարի հանձնաժողովը հայց էր ներկայացրել Քոնիայի քաղաքապետ Ուղուր Իբրահիմ Ալթայի, պաստառների հեղինակ «Անատոլիայի երիտասարդական միության» և «Երիտասարդական ազգային հիմնադրամի» դեմ` «ժողովրդի մեջ ատելություն և թշնամություն սերմանելու» բողոքով:

Քոնիայի հանրապետական դատախազություն, սակայն, հայտարարել է, որ ավարտվել է հետքաննությունը և որևէ հանցակազմ չի հայտնաբերվել:

Մինչդեռ Քոնիայի կանգառներում տեղադրված հայտարությունների ցուցատախտակների վրա փակցված պաստառներում գրված է. «Մի ընկերացեք հրեաների և քրիստոնյաների հետ: Նրանք մեկը մյուսին են ընկեր: Ով ձեզնից դառնա ընկեր նրանց, ուրեմն նա նրանցից մեկն է»:

Աղբյուր` t24.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։