Ստամբուլի քաղաքապետարանը դատի է տվել Էրդողանի զարմիկին

Իրավական16:42, 12 Փետրվար 2020

Ստամբուլի քաղաքապետարանը դատի է տվել Էրդողանի զարմիկին

Ստամբուլի քաղաքապետարանը իրեն առընթեր «Միջքաղաքային հաղորդակցության» բաժնետիրական ընկերության 4 աշխատակցի հանցագործության մասին հաղորդում է տվել դատախազությանը:

Նշյալ 4 աշխատակիցներից մեկը Թուրքիայի նախագահ Ռեջեփ Թայիփ Էրդողանի զարմիկն է՝ Համիթ Էրդողանը:

Հաղորդման մեջ նշվում է, որ նշյալ անձինք «Միջքաղաքային հաղորդակցության» բաժնետիրական ընկերությանը պատկանող նավերի վերանորոգման արդյունքում ստացված ջարդոնների խմբաքանակն ապօրիրանաբար օտարել են՝ առանց հատուցելու այդ կազմակերպությանը:

Ջարդոնների գողության վերաբերյալ հետաքննության ընթացքում ոստիկանական բաժին ներկայացած կասկածյալներից մեկը` Գյուլթեքինը, ասել է, որ 3 անգամ տնօրենների իմացությամբ ջարդոններ են տեղափոխվել, իսկ ստացված եկամուտը փոխանցվել է իր իսկ անձնական հաշվին:

Կասկածյալի խոսքով` այդ հրահանգը տվել է Էրդողանի զարմիկը, որը համարվում է այդ բաժնետիրական ընկերության տնօրեններից մեկը:

Աղբյուր` cumhuriyet.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։