Թուրքիան ՄԻԵԴ-ի որոշումներն ամենից շատ անտեսող երկրորդ երկիրն է

Իրավական16:07, 07 Ապրիլ 2020

Թուրքիան ՄԻԵԴ-ի որոշումներն ամենից շատ անտեսող երկրորդ երկիրն է

Մարդու իրավունքների եվրոպական դատարանի (ՄԻԵԴ) որոշումների իրագործման ընթացքը վերահսկող Եվրախորհրդի Նախարարների կոմիտեն հրապարակել է 2019թ․ իր զեկույցը։

Ըստ այդմ՝ Թուրքիայում դեռևս իրագործման իրենց հերթին են սպասում ՄԻԵԴ-ի 184 որոշումներ։ Այս ցուցանիշով Թուրքիան ՄԻԵԴ-ի որոշումները անտեսող երկրների ցանկում երկրորդն է՝ Ռուսաստանից հետո։ Ռուսաստանում դեռևս չիրագործված ՄԻԵԴ որոշումների թիվը կազմում է 244։

Արդեն 13-րդ անգամ հրապարակվող տարեկան զեկույցի համաձայն՝ 2019թ․ դեկտեմբերի 31-ի դրությամբ ՄԻԵԴ-ի 5․231 որոշումներ տարբեր երկրներում սկսում են իրագործվելու իրենց հերթին։ Դրանցից շուրջ 635-ը չեն իրագործվել արդեն ավելի քան 5 տարի։

Այդ որոշումներից 17 տոկոսը կայացվել են անվտանգության ուժերի գործողություններից ծագած անիրավությունների, 10 տոկոսը՝ անարդար ձերբակալությունների և կալանավորումների, 9 տոկոսը՝ կյանքի իրավունքի ոտնահարման և կտտանքների կիրառման հիմքով հարուցված գործերի շրջանակներում։

Զեկույցից հայտնի է դարձել նաև, որ 2019թ․ ՄԻԵԴ ներկայացված հայցերի 19 տոկոսն ուղղված է եղել Ռուսաստանի դեմ, 11 տոկոսը՝ Թուրքիայի։ ՄԻԵԴ-ի որոշմամբ՝ տվյալ ժամանակահատվածում Ռուսաստանը ընդհանուր առմամբ պարտավորեցվել է վճարել 28 մլն 547 հզ 005 եվրոյի, իսկ Թուրքիան՝ 2 մլն 170 հզ 693 եվրոյի փոխհատուցում

Աղբյուր` T24.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։