Քուրդ առաջնորդին Թուրքիայում սպառնում է 142 տարվա բանտարկություն

Իրավական12:00, 23 Մարտ 2021

Քուրդ առաջնորդին Թուրքիայում սպառնում է 142 տարվա բանտարկություն

Թուրքիայի քրդամետ «Ժողովուրդների դեմոկրատական» կուսակցության (HDP-ԺԴԿ) հիմնադիր, նախկին համանախագահ Սելահաթթին Դեմիրթաշի վերաբերյալ հերթական դատավճիռն է կայացվել։

2016 թվականից ազատազրկված Դեմիրթաշի վերաբերյալ որոշումը կայացվել է Թուրքիայի նախագահ Ռեջեփ Թայիփ Էրդողանին վիրավորելու քրգործով: Գործի համար հիմք են հանդիսացել մամուլի ասուլիսի ժամանակ Էրդողանի ու կառավարության հասցեին Դեմիրթաշի արած սուր քննադատությունները:

Այս գործով մեղադրական եզրակացությամբ պահանջվել է քուրդ գործչին դատապարտել 1.2-ից 4.8 տարվա ազատազրկման: Դատարանի որոշմամբ Դեմիրթաշը դատապարտվել է 3 տարի 6 ամսվա ազատազրկման:

Դեմիրթաշի նկատմամբ մեկ այլ գործով էլ «ահաբեկչական կազմակերպության օգտին քարոզչություն անելու» մեղադրանքով 2018-ին 4 տարի 8 ամսվա ազատազրկման որոշում էր կայացվել:

Նշենք նաև, որ քուրդ գործչին առաջադրված բոլոր մեղադրանքներով պահանջվող ազատազրկման ժամկետների հանրագումարը կազմում է 142 տարի:

Աղբյուր` Gazetekarınca

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։