Էրդողանին վիրավորելու մեղադրանքով քրգործերը 9 տարում աճել են 9.000 տոկոսով

Իրավական17:29, 03 Նոյեմբեր 2021

Էրդողանին վիրավորելու մեղադրանքով քրգործերը 9 տարում աճել են 9.000 տոկոսով

Թուրքիայում 9 տարվա ընթացքում նախագահ Ռեջեփ Թայիփ Էրդողանին վիրավորելու մեղադրանքով դատական գործերն աճել են 9 հազար տոկոսով։

Թուրքիայի արդարադատության նախարարության վիճակագրական բաժնի տվյալների համաձայն՝ 2019 թվականին 36066 դատական գործ էր բացվել «նախագահին վիրավորելու» մեղադրանքով, մինչդեռ 2010 թվականին նույն մեղադրանքով գրանցված գործերի թիվն ընդամենը 4-ն է եղել։

Այս 9 տարիների ընթացքում տվյալ մեղադրանքով գործերի բացման տեսանկյունից դրական բացառություն է եղել 2012թ․, երբ ընդամենը մեկ մեղադրանք էր առաջադրվել։ Իսկ ամենաբարձր ցուցանիշը գրանցվել է 2016թ․՝ քրեական գործ էր բացվել 38254 մարդու դեմ։ Արդյունքում ազատազրկման էր դատապարտվել 1088 մարդ, որոնցից 4-ը եղել են անչափահաս։

2010-2019 թվականների ընթացքում այս հոդվածով դատապարտված 1649 հոգի բողոքարկել է կայացված վճիռները և արդարացվել։

Նշենք, որ «նախագահին վիրավորելու» մեղադրանքով դատական գործերը՝ դրանց քանակի և բնույթի վերաբերյալ քննարկումները թուրքական հասարակությունում կրկին օրակարգ են եկել, երբ քրեական գործ էր հարուցվել Թուրքիայի Ուրֆա նահանգի Սիվերեք շրջանում ապրող 96-ամյա Ալիյե Յաբանսուի դեմ։

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։