Դինքի մարդասպանի դեմ նոր մեղադրականը դատական ընթացք է ստացել

Իրավական11:14, 22 Նոյեմբեր 2023

Դինքի մարդասպանի դեմ նոր մեղադրականը դատական ընթացք է ստացել

Թուրքիայում լույս տեսնող հայկական «Ակոս» շաբաթաթերթի գլխավոր խմբագիր Հրանտ Դինքի մարդասպան Օգյուր Սամասթը նոյեմբերի 15-ի ազատ արձակումից հետո նորից կարող է հայտնվել բանտում:

Մասնավորապես նրան առաջադրվել է մեկ այլ մեղադրանք, ըստ որի Սամասթը Թուրքիայում ահաբեկչական ճանաչված խմբավորման անունից է կատարել հանցագործությունը, իսկ այդ ժամանակ հանցանքի նշված մասով չդիտարկվելը՝ բացատրվել է նրա 17 տարեկան լինելով:

Ստամբուլի գլխավոր դատախազության կողմից կազմված նոր մեղադրականի համաձայն՝ Սամասթին սպառնում է 7 տարի 6 ամսից մինչև 12 տարվա ազատազրկում:

Մեղադրականը կազմվել է Դինքի ազգականների՝ Արաթի, Դելալի, Խոսրովի, Ռաքել Դինքի և Սերա Դինք Նազարյանի հայցի հիման վրա:

Նշենք, որ մեղադրականն ուսումնասիրելու նպատակով ուղարկվել է Ստամբուլի 2-րդ ատյանի անչափահասների գործերով քրեական դատարան:

Առաջին լսումները տեղի կունենան դեկտեմբերի 26-ին:

Աղբյուր` diken.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։