ERMENI HABER AJANSI

Թուրքիայում մարտի 31-ին կայացած տեղական իքնակառավարման մարմինների (ՏԻՄ) ընտրությունների արդյունքներով հաղթած ընդդիմադիր կուսակցության թեկնածուին Վանի քաղապետի պաշտոնը ստանձնել թույլ չտալու պատճառով հազարավոր մարդիկ փողոց էին դուրս եկել:

Երկրի տարբեր հատվածներում՝ Վանից մինչև Սիիրթ զանգվածային անկարգություններ և ցույցեր էին:

Թուրքական ընդդիմադիր մամուլի համաձայն՝ այդ իրադարձությունները լուսաբանող 3 լրագրող է ձերբակալվել է։

Արևմտյան հատվածում գտնվող Ստամբուլի Էսենյուրթ թաղամասում ձերբակալվել են թուրքական «Mezopotamya» լրատվական գործակալության թղթակից Ֆերհադ Սեզգինը և «Yeni Yaşam» թերթի թղթակից Սեմա Քորքմազը:

«Yeni Yaşam»-ի լրագրողներից Մեդինե Մամեդօղլուն էլ ձերբակալվել է Վանում:

Նշվում է, որ ոստիկանությունը Սեզգինին ձերբակալել է բռնի ուժի կիրառմամբ, ինչի հետևանքով էլ կոտրվել է լրագրողի տեսախցիկը:

Հիշեցնենք, որ ձայների 55 տոկոսով Թուրքիայի արևմտյան հատվածում գտնվող Վանի քաղաքապետ ընտրված ընդդիմադիր «Ժողովուրդների հավասարություն և ժողովրդավարություն» կուսակցության (DEM) թեկնածու Աբդուլլայ Զեյդանին թույլ չէր տրվել ստանձնել իր պաշտոնը:

Թուրքական մամուլում նշվում էր, որ նրանից ետ էր վերցվել ընտրվելու իրավունքը «Արգելված իրավունքների ետ առնման» հիմունքներով, իսկ քաղաքապետի պաշտոնի մանդատը հանձնվել ձայների 27 տոկոսը հավաքած, իշխող «Արդարություն և զարգացում» կուսակցության (ԱԶԿ-AKP) թեկնածու Աբդուլահաթ Արվասին:

Այդ պատճառով ընդդիմադիր գործիչ Զեյդանը ժողովրդին կոչ էր արել դուրս գալ փողոց և իրենց բողոքն արտահայտել իշխանությունների արած այդ քայլի դեմ։