Ստամբուլի նախկին քաղաքապետը դատապարտվեց 1 տարի 8 ամիս ազատազրկման

Իրավական13:19, 17 Հուլիս 2025

Ստամբուլի նախկին քաղաքապետը դատապարտվեց 1 տարի 8 ամիս ազատազրկման

Թուրքիայում գլխավոր ընդդիմադիր ուժ համարվող «Ժողովրդահանրապետական կուսակցության» (CHP-ԺՀԿ) անդամ, Ստամբուլի նախկին քաղաքապետ Էքրեմ Իմամօղլուն դատապարվել է 1 տարի 8 ամիս ազատազրկման:

Իմամօղլուն դատապարտվել է երկու հոդվածի հատկանիշներով. պաշտոնյայի հասցեին սպառնալիքներ և վիրավորանքներ հնչեցնելու համար:

Նշենք, որ Իմամօղլուն ձերբակալվել էր ընթացիկ տարվա մարտի 19-ին, իսկ դատավարությունը մեկնարկել էր առանց կալանավորման որոշման:

Վերջինս ձերբակալվել էր «ահաբեկչական կազմակերպությանն աջակցելու» համար հարուցված քրվարույթի շրջանակներում, սակայն՝ դատապարտվել հանրային պաշտոն զբաղեցրած անձին վիրավորելու համար:

ԺՀԿ առաջնորդ Օզգյուր Օզելը, անդրադառնալով համակուսակցի դատապարտմանը, ասել է.

«Եթե սպառնալիք հնչեցնելու մասով նա ստանար խիստ պատիժ և եթե այն ուժի մեջ մտներ վերաքննիչ բողոքարկման արդյունքում, ապա քաղաքականությամբ զբաղվելու արգելքը կարող էր շատ արագ կիրառվել։ Բայց քանի որ պատիժը ընդամենը 2 ամիս 15 օր էր, և քանի որ այն չէր համապատասխանում քաղաքական արգելքի շեմին, այդ սպառնալիքն այլևս չկա»:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։