Թուրք պատգամավոր. «Հայերի խելքն ինձ պետք չէ»

Toplum07:39, 05 Nİsan 2013

Թուրք պատգամավոր. «Հայերի խելքն ինձ պետք չէ»

Թուրքիայի ընդդիմադիր «Ազգայանական շարժում կուսակցության» (ԱՇԿ-MHP) պատգամավոր Ահմեթ Դուրան Բուլութը կոշտ քննադատության է ենթարկել «մտավորականների հանձնաժողովում» հայերի առկայության փաստը:

Միջանկյալ նշենք, օրեր առաջ Թուրքիայում հայտարարվել է «մտավորականների հանձնաժողովի» կազմը: Նպատակը թուրք-քրդական հակամարտության լուծման ուղիներ որոնելն է:Հանձնաժողովի կազմում ընդգրկվել են հասարակական գործիչներ, գիտնականներ, քաղաքացիական ակտիվիստներ, լրագրողներ: Նրանց թվում է նաև Էթյեն Մահչուպյանը: Հայտնի լրագրողը 2007-2010 թվականներին եղել է «Ակօսի» գլխավոր խմբագիրը: Այժմ նա «Զաման» և «Թարաֆ» օրաթերթերի սյունակագիրներից է:

Ըստ թուրքական «Յենիշաֆաք» պարբերականի` ազգայնական պատգամավորը, անդրադառնալով ցուցակում ընդգրկված հայերի թեմային, ասել է. «Հայերի խելքը ինձ պետք չէ: Հայը թուրք ազգի մասին ի°նչ կարող է մտածել: Թուրքիայի հայ քաղաքացիներին սիրում-հարգում եմ: Դեռ երեկ պետության դեմ թուրք ազգից վրիժ լուծողներին պաշտպանող անձանց որպես մտավորական են ընտրել»:

Դուրան Բուլութը նաև նշել է.որ իրեն շատ է տխրեցրել թուրք հայտնի դերասանուհի Հյուլյա Քոչյաղիթի` մտավորականների ցուցակում ընդգրկվելու հանգամանքը: «Մանկուց դիտել եմ նրա ֆիլմերը, երբեմն սիրուհու, երբեմն քրոջ պես եմ ընկալել նրան: Շատ տխրեցի` իմանալով, որ ինձ համար թանկ այդ անձնավորությունն էլ է ներառվել այդպիսի կեղտոտ մարդկանց մեջ, որոնք այս երկրի փչացման, մասնատմանը գործիք են դարձել»:

Ermenihaber.am