Տիտանիկի 5 հայ ուղևորների պատմությունը

Հասարակական13:19, 18 Ապրիլ 2012

Տիտանիկի 5 հայ ուղևորների պատմությունը

Ժամանակի ամենաապահով և ամենաշքեղ զբոսանավը համարվող Տիտանիկի խորտակման հարյուրերրորդ տարում հայտնի է դարձել նավի 5 հայ ուղևորների պատմությունը: Ողբերգությունից հաջողվել է փրկվել նրանցից միայն 2-ին` Նշան Գրիգորյանին և Դավիթ Վարդանյանին:

Օսմանյան անձնագրերով մեր 5 հայրենակիցներ` Նշան Գրիգորյանը, Օրսեն Սիրայանյանը, Օրթին Զաքարյանը, Դավիթ Վարդանյանը և Մափրիեդեդեր Զաքարյանը, եղել են Տիտանիկի 3-րդ կարգի ուղևորներ: Ծնունդով բինգյոլցի հայ երիտասարդները, որոշել էին մեկնել Կանադա` նոր կյանք սկսելու: Նրանք նախ Բինգյոլից հասել են Մարսել, որտեղից էլ գնել են Տիտանիկի տոմսեր ու ճանապարհը շարունակել դեպի Կանադա:

Սակայն 1912թ ապրլի 14-ին նավը բախվում է սառցաբեկորի: Այդ օրը 5ընկերները նշում էին իրենցից մեկի`Դավիթ Վարդանյանի ծննդյան օրը: Եվ երբ երիտասարդները փորձել են դուրս գալ նավասենյակից, տեսել են, որ դռները փակ են: Միայն Դավիթին և Նշանին է հաջողվել հրաշքով փրկվել: Նրանք կարողացել են կոտրել դռների կողպեքները և նստել փրկարարական նավակներ, որոնց մեջ տեղավորում էին տոմսերի համար տասնյակ հազարավոր դոլարներ վճարած առաջին ու երկրորդ կարգերի ուղևորներին:

Հետագայում Նշանը Կանադայում աշխատանքի է տեղավորվում և դառնում է երկրի առաջին հայկական եկեղեցու հիմնադիրը: Նշանը մահացել է 89 տարեկանում և կյանքում այլևս երբեք նավ չի նստել : Նույնիսկ այն դեպքերում, երբ ընտանիքը լճի ափին բացօթյա խնջույքի է գնացել, ասում են, թե Նշանը նախընտրել է տանը մնալ:

Աղբյուր` Agos.com.tr