Դինքին սպանողը զղջու՞մ է իր արածի համար

Հասարակական12:22, 18 Հունիս 2012

Դինքին սպանողը զղջու՞մ է իր արածի համար

«Եթե այսօրվա խելքն ունենայի, նման բան չէի անի, զղջում եմ»,- ասել է «Ագօս» շաբաթաթերթի հիմնադիր-խմբագրապետ Հրանտ Դինքին սպանած Օգյուն Սամասթը իրեն այցելած Թուրքիայի ընդդիմադիր՝ «Ժողովրդա-հանրապետական կուսակցության» (ԺՀԿ-CHP) պատգամավորներն:
Պատգամավորները այցելությունից հետո պատմել են, որ Սամասթը զղջում է իր արածի համար:

«Եթե այսօրվա խելքն ունենայի, նման բան չէի անի, զղջում եմ: Դինքի մասին գրքեր կարդալով` հիմա ափսոսանք եմ զգում: Եթե Դինքի կնոջը` Ռաքելին տեսնեմ, կփախչեմ»- ասել է Սամասթը:

թուրք պատգամավորները պատմում են , որ Սամասթը իրենց պատմել է նաև սպանության որոշ մանրամասներ:
«Սպանություն կատարելուցս 6 ամիս առաջ էի ստացել պատվերը: 5-6 օրվա ընթացքում կազմակերպվեց ամեն ինչ: Նստեցի ավտոբուս և գնացի Յասին Հայալի տված հասցեով: Ինտերնետ-սրճարանում 2-3 ժամ սպասեցի: Սրճարանից 15-20 անգամ զանգեցի նրանց և ասեցի «այստեղ ոստիկաններ կան»: Մինչդեռ իրականում ոչ ոք էլ չկար, ուղղակի ես էի արդեն փոշմանել ու դրա համար սուտ էի խոսում: Սրճարանից դուրս եկա, աստիճաններին նստեցի: Այդ պահին այդտեղով Հրանտ Դինքն անցավ: Դեպքը մի վայրկյանում եղավ: Հենց դիմացս դուրս եկավ, միանգամից կրակեցի»,- պատմել է Սամասթը: