Հայերի եկեղեցին ու թուրքերի տուրզիմը

Հասարակական09:47, 06 Հուլիս 2012

Հայերի եկեղեցին ու թուրքերի տուրզիմը

Թուրքիայի հարավ-արևելյան Հաքքարի նահանգի Յուքսեքովա շրջանի պատմական հայկական եկեղեցին վերականգնման կարիք ունի: Ավելի ստույգ` հիշյալ եկեղեցին թգտնվում է թուրք-իրանական սահմանամերձ Յեդիվերեն գյուղում: Չնայած դարերի ընթացքում լրջորեն վնասվել է, բայց դեռ շարունակում է կանգնուն մնալ:

Գյուղի բնակիչներից մեկը` Մեհմեթ Յեմենը թուրքական «Sondakika» լրատվական կայքի թղթակցին ասել է, որ գյուղի կենտրոնում գտնվող այդ եկեղեցին պահպանվում է հոգատարությամբ:

«Մենք մեր հնարավորությունների չափով մենք փորձում ենք պահպանել այն, բայց դա բավարար չէ: Մենք ուզում ենք, որ իշխանությունները վերականգնեն հայկական այս եկեղեցին»:

Մեհմեթը նաև նշել է, որ եկեղեցու գմբեթն ու պատերը փլված չեն: Այն շարունակում է հետաքրքրություն ներկայացնել զբոսաշրջիկների համար: Բայց եթե լիարժեքորեն վերականգնվի, ապա ավելի կնպաստի տուրիզմի զարգացմանն այդ շրջանում: