Թուրք աշակերտը հեռացել է Հայոց ցեղասպանության դասաժամից

Հասարակական08:14, 06 Նոյեմբեր 2012

Թուրք աշակերտը հեռացել է Հայոց ցեղասպանության դասաժամից

Թուրքական «Haberler» լրատվամիջոցը տեղեկացնում է, որ Ֆրանսիայի Լիոն քաղաքի միջնակարգ դպրոցներից մեկի պատմության դասաժամին 14-ամյա թուրք աշակերտ Բուրաք Դողանսոյը լքել է դասասենյակը, երբ իմացել է, որ ուսուցանվող դասը Հայոց ցեղասպանության մասին է լինելու: Անտեսելով պատմության ուսուցչի բոլոր հորդորները` թուրք աշակերտը դուրս է եկել դասասենյակից:

Դպրոցի տնօրինությունից զանգահարել են Բուրաք Դողանսոյի ծնողներին և տեղեկացրել նրանց որդու կարգազանց վարքի մասին: Բայց ի զարմանս դպրոցի ղեկավարության` աշակերտի ծնողները հայտնել են, որ իրենք են կարգադրել իրենց որդուն բաց թողնել պատմության դասաժամը, եթե թեման լինի Հայոց ցեղասպանությունը: Բացի այդ էլ մտադիր են հասարակական կազմակերպություններին ներգրավել այդ հարցում` ի պաշտպանություն իրենց որդու:

«Մենք չենք ցանկանում, որ մեր 14 տարեկան երեխային ասվի` դուք ցեղասպաններ եք»,- պատճառաբանել են Բուրաք Դողանսոյ ծնողները:

Հիշեցնենք, որ Հայոց ցեղասպանությունը փաստն առաջինը պաշտոնապես ճանաչել Ուրուգվայը 1965թ.: Այնուհետև մարդկության դեմ ուղղված այդ հանցագործությունը ճանաչել և դատապարտել են Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգներ:

Ermenihaber.am