Էրդողանի մասին հերթական ծաղրանկարը

Հասարակական08:39, 29 Նոյեմբեր 2012

Էրդողանի մասին հերթական ծաղրանկարը

Թուրք ծաղրանկարիչ Մուսա Քարթը «Cumhuriyet» օրաթերթում հրապարակել է վարչապետ Էդողանի մասին հերթական ծաղրանկարը, որը վերաբերում է նրա` Իսպանիա կատարած այցին ու ամեն տեղ նախազգուշացումներ անելու սովորությունը:

«Էրդողանը Իսպանիայում էլ նախազգուշացում կանի» վերտառությամբ ծաղրանկարում պատկերված են Թուրքիայի և Իսպանիայի վարչապետները, նրանց գլխավերևում` Պիկասոյի վրձնած դիմանկարը: Էրդողանը ցույց տալով նկարը` իսպանայի վարչապետին ասում է. «Դուք չեք կարող թույլ տալ, որ ձեր նախնիներն այսպես աղավաղվեն»:

Հիշեցնենք, որ Թուրքիայի վարչապետը մասնակցել է Իսպանիա-Թուրքիա 4-րդ համաժողովին և հանդիպում ունեցել այդ երկրի վարչապետ Մարիանո Ռախոյ Բրեի հետ: Կողմերի ամփոփված արդյունքների համաձայն`2011 թվականին Թուրքիայի և Իսպանիայի միջև առևտրաշրջանառության ծավալը կազմել է 10 մլրդ դոլար: Իսկ 2012-ի առաջին 9 ամիսներին այն արդեն հասել է 7.1 մլրդ դոլարի, որի մեջ թուրքական արտահանման մասնաբաժինը կազմում է 2.7մլրդ, իսկ ներմուծումը` 4.3մլրդ դոլար: Իսպանացի գործարարները Թուրքիայում արդեն 7մլրդ եվրո ներդրում են կատարել:

Ermenihaber.am