ERMENI HABER AJANSI

Թուրքական «Հյուրրիյեթ» (Hurriyet) օրաթերթի տեղեկացմամբ` գլխավոր ընդդիմադիր ուժի առաջնորդ, «Ժողովրդահանրապետական կուսակցության» (ԺՀԿ-CHP) նախագահ Քեմալ Քըլըչդարօղլուն կուսակցության խորհրդարանական խմբակցության ժողովում քննադատել է Էրդողանի ղեկավարած կառավարությանը:

Նա նշել է, որ Թուրքիայում շարունակում է աղետալի մնալ ստորգետնյա աշխատանքի բանվորների վիճակը, մասնավորապես նրանց կյանքի անվտանգության ապահովման հարցը: Ահա թե ինչու է մահվան ելքով արդյունաբերական վթարների թիվը Թուրքիայում շարունակ աճում: Նման վթարների հետևանքով մահացած բանվորների թվով Թուրքիան աշխարհում երրորդն է:

«Թուրքիան վերածվել է բանվորների գերեզմանոցի: Նրանք ապօրինություն չեն անում, նրանք գողություն չեն անում, քրտինքը ճակատներին աշխատում են: Նրանց անվատնգության ապահովումն իշխանությունների ֆունկցիան է: Բայց արի ու տես, որ մեր երկրում մարդիկ ավելի շատ արդյունաբերական վթարներից են զոհվում, քան ահաբեկչությունից»,- նկատել է տվել ընդդիմադիր կուսակցապետը:

Ermenihaber.am