Վերջին մեկ ամսվա ընթացքում Թուրքիայում բռության զոհ է դարձել 3 հայուհի

Հասարակական09:40, 10 Հունվար 2013

Վերջին մեկ ամսվա ընթացքում Թուրքիայում բռության զոհ է դարձել 3 հայուհի

Թուրքական «Bianet.org» լրատվական կայքը հրապարակել է հոդվածագիր Մուրադ Գյոզօզլուի «Թիրախում հայ կանա՞յք են» վերնագրով հոդվածը, որտեղ հեղինակը անդրադառնում է Թուրքիայում հայ կանանց` բռնության ենթարկվելու դեպքերին և նշում, որ միայն վերջին 1 ամսվա ընթացքում հայաշատ Սամաթիա թաղամասում բռնության զոհ են դարձել 3 հայ կանայք:

Նշվում է, թե ինչպես բոլորովին վերջերս իր բնակարանում դաժանորեն սպանվել էր 84-ամյա հայուհի Մարիթսա Քյուչուքը: Կնոջ մարմնի վրա հայտնաբերվել էր դանակի 8 հարված: Մարիթսա Քյուչյուքի թաղմանը մասանակցել է նաև Ռաքել Դինքը: Երբ վերջինիս հարցրել են, թե ճանաչե°լ է արդյոք Քյուչյուքին, նա ասել է. «Ոչ , ես իմ բողոքն արտահայտելու համար եմ եկել»:

Հեղինակը նշում է, որ վերջին ամիսների նշյալ դեպքերից հետո, Սամաթիայում միայնակ հայ կանայք ապրում էն սարսափի մթնոլորտում և ավելացնում. «Այս անհանգստությունը սկսվել է 1915 թվականից և շարունակվում է առ այսօր: Ցեղասպանությունից հետո գոյություն ունեցող 200 հազարանոց հայ բնակչությունն այսօր նվազել է մինչև 40-50 հազարի: Հասկանալի է, որ այս հանցագործությունները կատարվում են ատելության հողի վրա և հետևանք են պետության վարած շովինիստական քաղաքականության և հայերի, քրդերի ու հույների դեմ ուղղված ռասիստական դրսևորումների»:

Ermenihaber.am