Թուրքիայում դաժանաբար սպանված հերթական հայը

Հասարակական08:29, 11 Հունվար 2013

Թուրքիայում դաժանաբար սպանված հերթական հայը

Թուրքիայում սպանվել է ևս մեկ ազգությամբ հայ: Այս անգամ մարդասպանների զոհը եղել է Ստամբուլի Քադըքոյ թաղամասում գտնվող Արամյան-Ունջույան դպրոցի ինֆորմատիկայի ուսուցիչ Իլքեր Շահինը: Նրանից մի քանի օր լուր չունենալով` գործընկերները ստիպված են եղել գնալ նրա բնակարան, քանի որ հեռախոսազանգերին ևս պատասխանող չի եղել: Դիմել են ոստիկանությանը: Վերջիններս մուտք գործելով Շահինի բնակարան` այնտեղ գտել են 40-ամյա ուսուցչի անշնչացած մարմինը:

Թուրքական լրատվամիջոցները տեղեկացնում են, որ սուր կտրող-ծակող գործիքով կոկորդին մահացու վնասվածք ստացած Շահինը սպանված է եղել երեք օր առաջ: Սպանվածի վերջին գործողությունը հեռախոսով եղել է գործընկերներին շնորհավորական հաղորդագրություն ուղարկելը Սուրբ ծննդյան կապակցությամբ: Հարուցվել է քրեական գործ, կատարվում է նախաքննություն: Ոստիկանության նախնական վարկածի համաձայն` սպանությունը կատարվել է գողության նպատակով:

Հիշեցնենք, որ ավելի վաղ սեփական բնակարանում դաժանորեն սպանվել էր ազգությամբ մեկ այլ հայ` 84-ամյա Մարիթսա Քյուչուքը: Նրա մարմնի վրա հայտնաբերվել էր դանակի 8 հարված:

Ermenihaber.am